Mëngjesin e së premtes është dhënë lajmi për ndarjen nga jeta të kuzhinieres së njohur Fikrije Ukelli, ose siç quhej ndryshe, Ceka.
Ajo la pas një karrierë mjaft të suksesshme në emisionin e gatimit në mediat kosovare “Diçka po zihet” duke u ndarë nga jeta në moshën 80-vjeçare.
Ngushëllimet për ikjen nga jeta të kuzhinieres së njohur kanë shprehur shumë emra të skenës dhe ekranit, ndër ta edhe kolegia e saj dhe njëkohësisht nëna e reperit të njohur, Ledri Vula.
Xheraldina Vula, e cili për shumë vite drejtoi emisionin “Diçka po zihet”, ku Ceka ishte protagoniste, së fundmi postoi në InstaStory një foto të koleges së saj të ndjerë, të cilin e shoqëronte me një dedikim mjaft prekës.
“Ceka na la. Të qoftë dheu i lehtë, pusho qetë partnerja ime e kuzhinës televizive, Fikrije Ukelli – Ceka”, ka shkruar Xheraldina në InstaStory.
Kjo e fundit publikoi gjithashtu një sërë fotosh nga emisionet ndër vite me Cekën, të cilën e quante një ikonë të kuzhinës shqiptare.
E ndjera Ukelli është edhe autore e librave “1000 receta”, dhe “Receta me gatime tradicionale”.
Ndër të tjerë, ngushëllime për Cekën, ka shprehur edhe reperi Ledi Vula, i cili postoi në InstaStory një foto të kuzhineres së ndjerë, me të cilën duket se ka pasur marrëdhënie shumë të afërta dhe e ndjera ka qenë mikeshë e familjes së tyre.
“Ceko, kurrë askush nuk mund të bëjë më bakllavën me vishnje që ma bojshe me shumë qeJf. Pusho e qetë”, ka shkruar reperi krahas fotos.
