Ish-deputetja e Partisë Demokratike, Grida Duma ka shkruar ditën e sotme në Kavajë, ku ka takuar disa banorë të fshatit Blerimaj. Gjatë bisedës së saj me banorët, Duma ka sfiduar Kreun e Bashkisë Tiranë, Erion Veliaj.
Duma ftoi Veliajn që të heqë dorë nga Tirana e të kandodojë në Kavajë, duke shtuar se nëse ai do të arrijë të marrë 7% të votave, ajo vetë do e lërë mandatin.
Gjithashtu banorët, i kanë treguar Dumës për problemet që kanë në fshat si dhe kanë kërkuar zgjidhjen e tyre nga ana e autoriteteve kompetente. Ndërkohë që Duma në fjalën e saj, tha se në qeverinë e re do të ketë prioritet rinia dhe se do të hapin 110 mijë vende punë apo do të lehtësojnë kreditë e marra për shtëpi.
“’T’ju them një gjë që këto ditë e kuptoj se çfarë halli ka kundërshtari. Kundërshtari është vënë në hall të madh. Po ndjehet kudo. Dhe këtej nga Kavaja, nga Rrogozhina ju kanë sjellë këtë mashtruesin e vogël të Tiranës. Nga fiqtë, me miq, nga G99 as me 1% të votova u fut te Partia Socialiste që sot e quajnë Rilindja dhe ndaj më vjen keq dhe për socialistët. Nuk është halli i tyre që ne duhet të qajmë sot, sepse duhet ta qajnë vetë, te shtëpia e vet. Ne kemi gëzimet dhe përparimet tona dhe padyshim fitoren tone. Por, po ju them këtu një gjë që ta ketë të qartë kushdo që do të guxojë të përballet me forcën e të vërtetës dhe fitores sonë më datë 25 prill. Nëse ai guxon që tenderat, mashtrimet, vjedhjet, që vjen nëpër Kavajë dhe Rrogozhinë dhe bën takime me dyer të mbyllura që në 2019 doli si kandidat i vetëm në Tiranë dhe nuk mori dot as 7% të votuesve në zgjedhje…nëse guxon të shfaqet këtu dhe të bëjë pazare me votën e shqiptarëve, unë po i them qartësisht fare një gjë dhe pastaj do i themi të dytën. Kur t’i vijë radha. Të heqë dorë nga mandati i Tiranës, ta lëjë mandatin e Tiranës, të futet në listë, të konkurrojë dhe të dalë përballë këtu me mua dhe nëse merr ai në Kavajë dhe në Rrogozhinë 7% të votave, ja ku këtu jemi burrash që unë e lë këtë mandat. Nëse merr ai këtu rezultat, ballë-për-ballë se ka vetëm një përballje në politikë: vota, lista, përfaqësimi, llogaridhënia dhe përgjegjësia ndaj njerëzve që u kërkon votën. Fshehtas, futur nëpër kënde me të fortët gjoja, më të forta se këta, më të fortë se këta burra, nuk janë të fortët e krimit ta harrojnë. Kanë ardhur këtu fshihen dhe mendojnë se do bëjnë intriga duke marrë nga xhepat e shqiptarëve, nga tenderat, duke çuar nëpër portale intrigat dhe mendojnë se do të ndryshojnë rezultatin. Nuk e ndryshojnë dot më rezultatin, po j’ua them që tani nga Kavaja, nga Rrogozhina ne do të çojmë në qendër të Tiranës një spektakël fitoreje. Padiskutim.”, tha Duma.