Një 36-vjeçar shqiptar me iniciale B.B., është prangosur nga Policia pasi ka qëlluar me thikë fqinjin e tij me origjinë marokene. Pas një sherri që nisi në orën 17:30 të pasdites, shqiptari nuk duroi dot më dhe shkoi në kuzhinë për të marrë një thikë me një teh të gjatë 21 cm, me të cilën plagosi marokenin.
Sipas mediave vendase, zanafilla e sherrit ka qenë muzika e lartë me të cilën marokeni kishte shqetësuar pallatin. Pasi kishte marrë thikën, shqiptari i hyri në shtëpi dhe e qëlloi në gjoks pa i thënë asnjë fjalë.
Megjithatë i plagosuri arriti të largohej dhe të dilte në rrugë, ku britmat e tij që tërhoqën vëmendjen e banorëve të tjerë të lagjes. Këta të fundit njoftuan Policinë dhe ambulancën, për t’i dhënë ndihmën e parë të plagosurit.