Kryeministri Edi Rama e quan të pakuptimtë ndarjen e Rilindjes nga Partia Socialiste, pasi sipas tij PS ka detyrimin të rilindë e të vetëndryshojë.
“U bë këngë Rilindja apo PS, PS apo Rilindja? Po është e pakuptimtë, është absurde që njerëz që e shohin një parti politike nga jashtë, të kërkojnë nga një parti politike që të mos rilind duke u hapur. Përkundrazi dhe nuk janë dy gjëra të ndryshme po është PS që ka detyrimin të vetëndryshojë. Nuk kam unë asnjë diskutim për miqtë, shokët e kolegët që nuk janë më, ata në vetvete për mua e kanë vendin gjithmonë të palëvizshëm. Po çështja është mjafton kjo për njerëzit? E shkuara e secilit në një parti politike është e shkuara e tij dhe e partisë, nuk është arsye që njeriu i rrugës që ndalet tek kutia e votimit të votojë. Partitë politike janë për të jetuar në lartësitë e të sotshmes dhe jo për tu drejtuar nga lartësia e të djeshmes. Nëse unë nuk arrij të bëj këtë për ca i duhem PS dhe vendit? Pyetja është e e thjeshtë është PS që është krijuar për t’iu dashur vendit apo është vendi që duhet ta dojë PS pa kushte. Jo, fare kjo është elementare. Skuadrat ndërtohen me lojtërat që janë më në formë dhe që janë më në gjendje në atë moment të përballojnë kundërshtarin dhe të fitojnë ndeshjen”, tha Rama