Aksident në Gjirokastër, këmbësori i mitur dërgohet me urgjencë drejt Tiranës
Një 11-vjeçar është plagosur pasi është përplasur nga një automjet. Ngjarja ka ndodhur në aksin rrugor Gjirokastër- Kakavijë në vendin e quajtur “Ura e Çapos”.
I mituri u dërgua me urgjencë në spitalin e Traumës në Tiranë.
11-vjeçari ishte këmbësor në momentin kur e ka goditur makina e drejtuar nga një 45-vjeçar nga Saranda. Ky i fundit është arrestuar në flagrancë.
NJOFTIMI I PLOTE
Gjirokastër.
Aksidentoi me mjet një këmbësor, arrestohet në flagrancë drejtuesi i mjetit.
Nga specialistët e Sektorit të Qarkullimit Rrugor u arrestua në flagrancë shtetasi S. S., 45 vjeç, banues në Sarandë, pasi në aksin rrugor Gjirokastër-Kakavije, në vendin e quajtur “Ura e Çapos” , ky shtetas duke drejtuar automjetin tip “Renault”, ka aksidentuar shtetasin e mitur S. P., 11 vjeç.
Shtetasi S. P. pasi ka marrë ndihmën mjekësore në spitalin Rajonal Gjirokastër, është transportuar për mjekim më të specializuar në spitalin e Traumës në Tiranë.
Materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.