Kryebashkiaku Erion Veliaj ironizoi sot kreu demokrat i cili përmes një video live nga makina deklaroi se është bllokuar në trafik. Duke folur për ABC, Veliaj deklaroi se Basha nuk do të kishte mbetur në trafik nëse në tre vite PD nuk do të kishte bllokuar punimet tek unaza. Veliaj theksoi se Lulzim Basha e shiti protestën tek unaza sapo mori makinë, sikurse bëri dhe me protestën tek rruga e Kombit që e la në mes sapo mori katin e parë të një hoteli për kunatin e tij.
“Pashë lulin dhe tha kam ngel në trafik. Po s’do kishte ngel në trafik nëse tre vite nuk do e bllokoje, me problematika që i ke shkaktuar vet. E ke bllokuar vet. Po kur e le Astirin se more makinë, aty pastaj vjen erë e keqe shumë. Është një hipokrizi shumë e madhe. Kur ti thua ne shkrihemi këtu si parti për rrugën e Kombit dhe pastaj tek hoteli në bulevard merr katin e parë për kunatin, kjo është gjithashtu një hipokrizi, e madhe. Dhe kur je komplet I pacipë dhe vjen për të aplikuar për vilën e pestë në bashkinë e Tiranës dhe në dokumentet që janë këtu sipër në katin e tretë, atëherë do të thotë ajo shprehja tironse që “përtej turpit, çdo gjë është rehatë” është bërë për këta.
Ata përtej turpit çdo gjë janë dyst dhe rehat. I kanë prerë biletat për në Holandë dhe për në Angli respektivisht, por ajo që do bëjmë është se ne do jemi këtu. Kur ata të kapin avionin e fundit për në Hollandë, ne do të jemi prapë këtu. Në datë 26 vijon prapë puna për çerdhet, kopshtet, shkolla, për lagjen Kombinat, për lagjet në Farkë, për lagjet në Zall Herr ky është misioni ynë që të vazhdojmë të punojmë. Misioni i tyre është që ta provojnë bingon dhe njëherë ,por nuk do ju dali se nuk është me bingo, është me punë”, tha Veliaj.