Ish-deputeti i LSI-së Lefter Koka ka reaguar për herë të parë pas publikimit të listave nga partitë politike.
Ai i është përgjigjur ashpër opozitës duke u shprehur se “në 25 Prill çerdhja juaj mbyllet!”.
Kujtojmë se Edi Rama renditet i 8-të, e ndërsa Lefter Koka, i ardhur nga LSI-së është renditur në vendin e 7-të në Vlorë.
“Kohë e humbur të merresh me ju. Baltosja është e vetmja çfarë ju dini të bëni dhe habitem si vonuat kaq shumë!
Por 2 fjalë në respekt të bashkëqytetarëve të mi po i them.
Ju lindët si parti inati e mllefi dhe po këto po ju shuajnë. Ndër vite treguat se jo vetëm nuk patët program apo vizion , por jeni partia e një grusht njerëzish të etur për pushtet, etje, para. Të mbarsur me mllef ndaj më të mirëve, ndaj çdokujt që ka ditur t’ja dalë vetë.
Ju besoni te intriga dhe te shpifja! Kulti juaj është mosmirënjohja dhe E Keqja mishërohet veç te ju!
Ju e dini dhe më njohët mirë, mua nuk më shqetësoni !
Në 25 Prill çerdhja juaj mbyllet!”, shkruan Lefter Koka.