Në një foto të publikuar nga A2CNN e makinës së prokurorit Arjan Muça pak para shpërthimit të mjetit, duket qartë dhe objekti i vendosur poshtë makinës, në anën e shoferit.
Sipas hetuesve, bëhet fjalë për një shpërthim të telekomanduar ndaj automjetit të prokurorit. Policia ka siguruar të gjitha kamerat e sigurisë edhe pse ka qenë shumë e vështirë për të zbuluar detaje të tjera për ngjarjen.
Pas marrjes në pyetje, prokurori i Gjirokastrës ka deklaruar se nuk ka pasur konflikte me persona të tjerë, ndërsa automjetin e kishte blerë prej dy vitesh. Automjeti përdorej edhe nga bashkëshortja e tij, gjyqtarja Gentiana Muça.
Për fat të mirë, nga shpërthimi në automjet nuk pati persona të lënduar.