Silva Heijnema rrëfeu për herë të parë përballjen e mundimshme me Covid 19.
Prej nisjes së intervistës Silva u përlot, tha se ka reflektuar dhe se e konsideron një jetë të dytë këtë që po jeton tani.
“Unë isha shumë rëndë. Shanset për të jetuar ishin 18-25 %, edhe pse mjekët më thanë 35 % për të mos u shqetësuar.
Në fillim luftova, por në të gdhirë të datës 18 u dorëzova dhe kisha dëshirë të vdisja.
Ula fëmijët në gjunjë dhe iu thashë “unë po iki”. S’ lejova as të më jepnin përqafimin e fundit. Bëra gati dhe testamentin”, tha mes lotësh ajo.
Fatmirësisht pas shumë ditëve në terapi intensive, ajo ia doli të shpëtonte nga rreziku për jetën.
Teksa Bieta e pyeti për faturën e gjithë kurimit, Silva tregoi se vlera totale e shpenzimeve kishte kaluar mbi 7 mijë euro.