Kryetarja e Lëvizjes Socialiste për Integrim, Monika Kryemadhi ka kërkuar nga prokuroria të nisë hetimet për përdorimin e vaksinës AstraZeneca në vendin tonë.
Kryemadhi tha se hetimet duhet të nisin sa më parë, pasi ka shumë mësues që sipas saj, jo vetëm kanë refuzuar ta bëjnë këtë vaksinë anti-Covid, por të tjerë që e kanë bërë dhe kanë patur probleme.
“Prokuroria të fillojë një hetim të menjëhershëm, se ka shumë mësues që jo vetëm nuk kanë pranuar ta bëjnë vaksinën por edhe ata që e kanë bërë kanë patur probleme”, deklaroi Kryemadhi në EuroNews.al.
Deri tani, autoritetet shëndetësore nuk kanë dhënë asnjë informacion shqetësues lidhur me procesin e vaksinimit në vendin tonë, ndërsa Komiteti Kombëtar i Imunizimit dhe Vaksinimit i ka dhënë “OK” përdorimit të vaksinës AstraZeneca.