Treshja Ledjana-Mevlan-Antonela janë kthyer në një nga më të diskutuarit në “Për’puthen”. Që me hyrjen e Antonelës në emision, që shprehu hapur pëlqimin për Mevlanin u “tronditën themelet” e marrëdhënies së këtij të fundit me Ledjanën.
Debatet dhe përplasjet mes dy vajzave ishin të shpeshta për shkak të Mevlanit.
Disa ditë më parë, para se të transmetohej takimi Ledjana-Mevlan, Antonela doli para studios dhe tha se ka hequr dorë përfundimisht nga djali nga Kavaja.
Ndërkohë Ledjana tregoi të fshehtat në dhomën e rrëfimeve, ku zbuloi se është takuar disa herë me Mevlanin. Gjithashtu ajo tregoi se i ka qëndruar pranë edhe kur ai ka qenë i sëmurë në spital një mbrëmje. Ky rrëfim e prekur Antonelën, e cila u shpreh se tashmë e kuptoi se Mevlani është tallur gjithë këto kohë me të.
Nga ana tjetër Ledjana tha se Mevlani dhe Antonela mashtrojnë të dy dhe hiqen si të prekur. Kjo deklaratë nuk i pëlqeu aspak Mevlanit dhe i ndodhur nën trysni ai u largua nga studioja. Më pas ai u rikthye sërish, ndërsa Antonela vendosi të braktiste studion për të mos parë takimin Ledjana-Mevlan.
Mbrëmjen e djeshme, Antonela u shfaq në program nëpërmjet një lidhje me ‘skype’ dhe zbuloi se çfarë vendimi ka marrë. Ajo tha se ka marrë thjesht një pauzë të shkurtër dhe se do të rikthehet shumë shpejt.
Në fund, Antonela bëri një deklaratë të fortë për Mevlanin.
“Doja t’i thosha atij burrit cilat nga puthjet të shijoi më shumë ajo për Shën Valentin me buzët e mia natyrale apo ajo tjetra”, u shpreh Antonela.
Në fund ajo shtoi se për të Mevlani nuk është më askush dhe se shumë shpejt do t’i marr gjithçka që i ka dhënë.
Mesa duket, këto deklarata nuk i kanë pëlqyer aspak Mevlanit, i cili ditën e sotme ka publikuar një foto në Instagram ku shfaqet pranë detit, ndërkohë që në rërë ka vijëzuar dy zemra brenda së cilave ka vendosur nga një kryq.
