Për Ditmir Bushatin, drejtuesin politik të Partisë Socialiste për Qarkun Shkodër, qyteti i Shkodrës si një qendër qarku ka një potencial të jashtëzakonshëm zhvillimi, por për fat të keq Bashkia Shkodër sipas tij, nuk ka qënë në lartësinë e prishmërive që kanë patur qytetarët.
I ftuar në studion e ERTV-së, deputeti ka folur mbi performancën e bashkisë Shkodër, që drejtohet nga demokratja Voltana Ademi, duke numëruar disa dështime mbi mënyrën se si është menaxhuar potenciali i kësaj zone.
“Bashkia Shkodër ka një potencial të madh zhvillimi sepse është qendër qarku, por është e dukshme që bashkia Shkodër nuk ka qënë në lartësinë e detyrës dhe në lartësinë e pritshmërive të qytetarëve që e kanë besuar. Nuk ka një plan zhvillimor sa i përket infrastrukturës dhe përdorimit të resurseve. Nga bashkia nuk është bërë asgjë, është evidente që Shkodra ka nevojë për të qënë e pastër, për troturarë të çliruar. Është evidente që Shkodra e cila ka patur shumë herët sistemin urban në qytet, nuk e ka dot më funksional”, theksoi Bushati.
Deputeti socialist premtoi se Partia Socialiste dhe qeveria e saj do të vijjojnë komunikimin në Shkodër që është ndër të tjera edhe qytet universitar, ku do komunikohet për paktin e universitetin dhe për të gjitha risitë që qeveria ofron në këtë proces.