Policia e Fierit njoftoi mëngjesin e sotëm se gjatë natës që lamë pas janë sulmuar me gurë xhamat e selive elektorale të 2 partive politike në këtë qytet.
U mësua se janë dëmtuar pikërisht zyra elektorale e PS dhe e PDIU. Mirëpo autorët nuk janë mjaftuar me kaq, ata e kanë filmuar aktin vandal dhe kanë shpërthyer në sharje.
Në videon e publikuar dëgjohet një i ri që mes sharjeve shpreh pakënaqësinë e tij ndaj partive politike, që sipas tij gjithë këto vite nuk kanë bërë asnjë gjë.