Një lajm i trishtë ka ardhur për bluzat e bardha në Greqi. Një mjek 41-vjeçar i cili po kurohej për Covid në spitalin Thriasio, është gjetur i vdekur mëngjesin e kësaj të diele.
Nga të dhënat e para sipas autoriteteve mjeku ka kryer vetëvrasje. Sipas informacioneve, 41-vjeçari u trajtua në katin e tretë të spitalit në klinikën kirurgjikale, e cila për shkak të pandemisë është shndërruar në pavijon Covid për të infektuarit me virus.
Mjeku u shtrua në spital pasi kishte komplikacione të rënda, ndërsa sot është gjetur i vdekur në bodrumin e spitalit.