Leonard Koka reagon pas akuzave të Lëvizjes Socialiste për Integrim në Durrës, ndaj nipit të tij, vëllait të ish-ministrit dhe aktualisht kandidatit për deputet të Partisë Socialiste Lefter Koka.
Ishte drejtuesja politike e LSI në Durrës, që ditën e djeshme pretendoi se kishte zbuluar dy kamera të montuara jashtë ambienteve të LSI-së dhe që sipas saj kishin për qëllim të filmonin kush hynte e kush dilte nga dera e kësaj selie. Elona Guri akuzoi djalin e Lefter Kokës si personin që kishte vendosur kamerat.
Por Leonard Koka, “kumbari” i famshëm i darkës së ngjalave Rama-Meta në 2013-ën, në një reagim për newsbomb.al nuk e kursen ironinë teksa thotë se “kamerat e LSI-së, janë bërë si lugati”.
“Të pyetet Baba Taku, se ai është mjeshtër”, thotë me ironi Ter Koka teksa shton se “LSI s’ka asgjë për t’i filmuar, se i bën Silva ndryshe nesër dhe të dalin pamjet e pavlefshme”, duke nënkuptuar ndërhyrjet e shumta estetike që të trasformojnë pamjen e jashtme.