Ankesës së disa biznesmenëve për çështjen e mungesës së punëtorëve në tregun vendas, gjatë një dreke pune në një nga agroturizmet në Shijak, kryeministri Edi Rama iu përgjigj se tashmë është hapur rruga për të marrë edhe punëtorë të huaj.
“Kemi kryer lehtësim maksimal për marrjen e punëtorëve nga jashtë, nga Pakistani, Bangladeshi, Filipinet, dhe për pagat që ju jepni, mendoj se janë mëse të kënaqur. Dhe nuk ka histori konsullatash, me vizë elektronike, në 7 ditë aplikim dhe mund të marrësh punëtorin. Ka shumë që e kanë bërë dhe janë të kënaqur. Eshtë një sistem I thjeshtë, është investim I vogël në fillim, por…se ju ushqimin e jepni këtu, dmth veç pagës kanë edhe ushqimin. Ne do ta rrisim pagën minimale në 4 vitet që vijnë se është duke u rritur, por e ulët është me thënë të drejtën” tha Rama gjatë drekës me disa nga bizneset e Shijakut.
“Gjithë bota ka ardhur te kjo kohë. Po të shohësh shtetet turistike që kemi afër, kanë punëtorë të huaj plot. Po këtu ka mundësi ti fusësh edhe në punë të tjera” tha Rama.