Mjeku i njohur Artan Koni ka bërë me dije publikisht se është tërhequr nga kandidimi si deputet në zgjedhjet e 25 prillit nën siglën e Nismës Thurje. I ftuar në “News24”, ai tregoi se emri i tij nuk ka qenë kurrë në listë, edhe pse pranoi se para disa muajsh kërkonte që të kandidonte në zgjedhje.
Në shpjegimin e tij, Koni ka bërë me dije se është tërhequr nga kandidimi duke shtuar se klima politike nuk ishte e favorshme për “personalitete si ai”. Edhe njëherë ai konfirmoi se nuk është pjesë e asnjë liste, edhe pse ka pasur propozime të shumta.
“Mendoja të kandidoja me Nismën Thurje. Mendoja para shumë muajsh. Kur ishte shoqëri civile. Pasi u kthye në parti, pashë që disa gjëra ndryshuan dhe nuk u ndjeva mirë dhe hoqa dorë nga mendimi për të kandiduar. Kam pasur oferta edhe nga parti të tjera. Për momentin klima politike nuk është e përshtatshme për njerëz si unë. Nuk jam me asnjë parti. Nuk jam në listat e KQZ,”-tha Koni. Mirëpo e të njëjtin mendim nuk është bashkëshortja e tij. Kirurgia plastike Senera Hoxha është në listën e Tom Doshit, e renditur e 26-ta në Tiranë.