53-vjeçari ka shfaqur probleme me zemrën teksa ndodhej në ambientet e paraburgimit, ndaj është sjellë me urgjencë në Tiranë.
Ardian Çapja, i arrestuar dje nga forcat RENEA, është sjellë me urgjencë në Qendrën Spitalore “Nënë Tereza” në Tiranë.
53-vjeçari ka shfaqur probleme me zemrën teksa ndodhej në ambientet e paraburgimit, ndaj është sjellë me urgjencë në kryeqytet. Megjithatë ende nuk dihen detaje lidhur me gjendjen e tij shëndetësore.
Çapja u vu në pranga një ditë në parë në kuadër të operacionit “Krasta 1” pasi akuzohet se ka marrë pjesë në ekzekutimin e Gentian dhe Nezir Beqirit (babë e bir), ngjarje e ndodhur në vitin 2012. E njëjta akuzë rëndon edhe mbi nipin e tij, Florencin. Gjatë prangosjes së tij, në banesë RENEA-t kanë gjetur dhe sekuestruar edhe një kallashnikov, pesë radio dhe uniforma policie.