Krijohet testi i shpejtë për diagnostikimin e varianteve të ndryshme Covid. Madje në pak minuta është në gjendje të zbulojë edhe infeksione të tjera që mund të jenë në organizëm.
Testin e ri e kanë krijuar kërkuesit e Universitetit të San Diegos, që e kanë emërtuar ‘Nirvana’, dhe studimi është publikuar në revistën shkencore ‘Med’.
Në artikull është përshkruar edhe një pajisje e vogël që është në gjendje të mbaje dhe ekzaminojë 96 kampione në të njëjtën kohë, dhe arrin të diagnostikojë në vetëm 15 minuta Sars Cov 2. Madje edhe të sekuencojë e të nxjerrë rezultatin cili mutacion është.
Mutacionet janë ato që sjellin më pas krijimin e varianteve, si ato që njohim aktualisht, ndër të cilët variant anglez, ai brazilian, i Afrikës së Jugut etj.
Studiuesit thonë se një test i tillë portativ mund të përdoret kryesisht në shkolla, aeroporte, porte dhe mund të jetë shumë praktik për diagnostifikim të shpejtë e efikas.