Fillimi i muajit Prill, mund të sjellë një rritje të lehtë të infektimeve me Covid-19, thotë mjeku Pëllumb Pipero.
Sipas tij kjo vjen si pasojë e grumbullimeve në aktivitetet politike. Megjithatë, kjo rritje nuk pritet të zgjasë, pasi në fund të muajit, pritet që numri i rasteve të pësojë rënie.
“Mendoj që për shkak të ekspozimit në disa aktivitete publike si festa e verës, apo aktivitet politike për shkak të fushatës elektorale, në gjysmën e parë të prillit do kemi rritje të numrave. Fundi i prillit do na gjejë me shumë më pak pacientë në spital”, shprehet ai për Abc Neës.
Pavarësisht se kemi një ulje të ndjeshme të pacientëve në spitalet Covid, apo edhe urgjencave, të sëmurët atje janë në gjendje të rëndë shëndetësore. Për Piperon virusi tashmë po paraqitet më agresiv, kryesisht tek moshat e reja.