Shifra të larta infektimesh dhe humbjesh në njerëz nga koronavirusi.
Në raportin e Institutit Kombëtar të Shëndetësisë Publike të Kosovës (IKSHPK) thuhet se gjatë 24 orëve të fundit në Kosovë kanë humbur jetën edhe 12 persona si pasojë e infektimit me COVID-19, kurse janë regjistruar edhe 777 raste të reja të infektuarave me këtë virus.
“Brenda 24 orëve janë raportuar 12 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 4 raste (88, 83, 79, 72 vjeç), Ferizaj 3 raste (81, 75, 71 vjeç), Pejë 2 raste (85, 76 vjeç), Gjilan 1 rast (61 vjeç), Kamenicë 1 rast (84 vjeç) dhe Suharekë 1 rast (72 vjeç)”, thuhet në njoftimin e ISHPK.