Një shtëpi është përfshirë nga flakët mesditën e sotme. Sipas njoftimit të policisë së Tiranës, mësohet se zjarri ka rënë në katin e dytë të banesës së një personi me inicialet G. S., në Valias të Ri.
Si pasojë e zjarrit, ka vetëm dëme materiale. Familjarët që ishin brenda shtëpisë janë evakuuar dhe fatmirësisht asnjë prej tyre nuk është lënduar. Ende nuk dihet shkaku i rënies së zjarrit, ndërkohë grupi hetimor ndodhet në vendin e ngjarjes.
Njoftimi i policisë
Më datë 05.04.2021, rreth orës 14:50, në Valias i Ri, në rrugën ”Jupiteri”, ka rënë zjarr në katin e dytë të baneses së shtetasit G. S., ku ka vetëm dëme materiale. Vijon puna nga grupi hetimor për sqarimin e rrethanave të ngjarjes.