Ndonëse u propagandua me të fortë sot si nga PD dhe nga LSI lënia e mandateve, në fakt kjo është vetëm një lojë politike dhe nuk pritet që të ketë efekt ligjor, të paktën jo tani.
Në kërkesën për dorëheqje të firmosur nga Kryemadhi dhe të shpërndarë nga zyra e shtypit e LSI, rezulton se ajo mban datën 20 prill 2019, pra gati 2 muaj më vonë nga dita e sotme, raporton tirananews.al
Nga ana tjetër PD është treguar e kujdesshme që të mbulojë kokën e letrës, por tirananews ka siguruar një kopje ku ajo rezulton pa datë.
Më shumë se gafë, kjo duket qartazi një strategji e PD dhe LSI për të bërë presion në prag të zgjedhjeve vendore ndaj mazhorancës. / tirananews.al
