Mjetet luksoze duket se janë vënë në shënjestër të hajdutëve. Vetëm pak ditë pasi një i tillë u vodh në ish-Bllok, një “Range Rover” në zonën e Astirit ka rënë pre e grabitjes.
Sipas Neës24, pronari i saj S.XH., i cili rezulton me precedent penal në fushën e drogës sapo ka konstatuar mungesën e mjetit ka njoftuar policinë. Ai u tha se mjeti ka GPS çka ndihmoi efektivët në gjurmimin e tij.
Pas 4 orësh ndjekje ‘Range Rover’ u gjet në Fushë-Krujë i braktisur. Policia e ka sekuestruar mjetin në cilësi të provës materiale dhe po analizon gjurmët për të bërë të mundur identifikimin e autorëve.