Personi që shikoni në foto është Erjon Peti, ortaku i kompanisë “Masabi Fruits”, brenda konteinerëve të saj u gjetën 200 kg kokainë në Portin e Durrësit.Peti është shpallur në kërkim nga Policia e Shtetit, pasi SPAK ka lëshuar fletë-arresti për të.
Ai foli pak më herët për Neës24, dhe tha se nuk kishin fare lidhje me drogën por që prej pesë vitesh merrnin fruta në njëjtën mënyrë. Hetimet vijojnë dhe janë në duart e SPAK. Droga, 200 kg kokainë, u sekuestrua në një kontejner në Portin e Durrësit që kishte për destinacion kompaninë “Masabi fruits” në Kombinat të Tiranës. Kontejneri ishte i mbushur me banane dhe vinte nga Ekuadori.