Pasi akuzohej si autor i një vrasje të ndodhur 4 vite më parë, një shqiptar në Greqi është lënë i lirë.
Një video e siguruar së fundmi nga prokuroria ka zbuluar se e vërteta ishte krejtësisht ndryshe dhe autori i vrasjes është një tjetër person.
Kjo ngjarje ka “pushtuar” mediat greke në një kohë kur pak ditë më parë mbeti i vrarë një gazetar. Neësit.gr ka publikuar videon e vrasjes së ndodhur në tetor të vitit 2017. Kamerat e lokalit të natës tregojnë se autori i vrasjes dhe bashkëpunëtori i tij largohen me vrap rreth orës 04:30 të mëngjesit.
Ndërkohë, shqiptari, i quajtur nga mediat greke si “Takis” duket teksa shkon në lokal në orën 01:30 të mëngjesit i veshur me një xhaketë dhe me një krah të futur në allçi.