Kryeministri Edi Rama ka folur pa dorashka nga Berati gjatë një aktiviteti politik me socialistët. Në fjalën e tij, Rama tha se Shqipëria është pikturuar nga Zoti por i është bërë e keqja nga dora e njeriut. Për udhëheqësit e mëparshëm, kreu i qeverisë nuk është kursyer as me fjalorin.
“Zoti, Shqipërinë, duket sikur është ulur dhe e ka piktuaruar ditën e dielë që e ka pasur pushim. I ka të gjitha! Ato që i duhen, që populli të rrojë në paqe. Ça e ke penguar Shqipërinë? Mbrapshtia e robit, ata që iu kanë ofruar rrugët e shkurtra. Kur kanë shkuar mes atyre që kanë thënë “Hajdeni të kërkojmë babën”. “Duam babën, duam babëm”, dhe në fund ua kanë bërë nënën. Se jo babën që nuk ua kanë thënë,”– tha Rama.