Këngëtarja e njohur shqiptare, Anxhela Peristeri, do të përfaqësojë muajin tjetër Shqipërinë në “Eurovision 2021”.
Ajo është duke promovuar këngën e saj “Karma” në mbarë shtete konkurruese të “Eurovision”-it, ndërsa së fundmi ka qenë e ftuar edhe në emisionin e famshëm grek, “Eutixite”, që transmetohet në Open TV.
Peristeri ka folur në këtë emision rreth origjinës së saj, ku ka theksuar se është shqiptare kur moderatorja i drejtoi asaj pyetjen nëse është greke.
Anxhela nuk ka ngurruar të përgjigjet:
“Jo unë jam shqiptare, unë dhe prindërit e mi kemi lindur ne Shqiperi, me Greqinë më lidh prejardhja e largët dhe fakti që kam punuar”- ka thënë ajo duke sqaruar njëherë e mirë këtë situatë.
Në përfundim të emisionit, prezentuesja e Shqipërisë sivjet në “Eurovision” perfomroi live këngën “Karma”, me të cilën edhe prezanton shtetin shqiptar.
Anxhela do të ngjitet në skenën e “Eurovision”-it, në natën e dytë gjysmëfinale.
