Nënkryetarja e LSI, Erisa Xhixho në një intervistë për Ora neës tha se vendimi i deputetit Lefter Koka për të mos djegur mandatin, tha se ky është vendim personal. “Sa i përket deputetit të Durrësit, i cili vendosi për të mos e dorëzuar, ai është një vendimmarrje personale e zotit Koka. Mua nuk më vjen mirë që deputetë të caktuar në këtë moment historik ku ndodhet demokracia në Shqipëri, në këtë kryqëzim që jemi, ku ose do pranojmë blerjen e votës ose do luftojmë në sheshe në forma demokratike për ti dhënë fund trtanzicionit.”, tha ajo.
Sipas Xhixhos deputeti Lefter Koka është thirrur ar në mbledhjen e grupit të LSI, por nuk ka marrë pjesë.
“Ka qenë i lajmëruar për mbledhjen e grupit, nuk është paraqitur. Ka paraqitur argumentet e tij. Çdo kush që bëhet pjesë e të keqes së vendit, dhe bie në konsensus me atë çfarë po i ndodh Shqipërisë sot besoj që është një zgjedhje personale e tij. LSI ka një vendim të vetëm, atë të tryezës së opozitës së bashkuar për ti shkuar deri në fund kësaj vendimmarrje dhe se nuk ka kthim prapa”, përfundoi ajo.