Gjatë protestave të mëparshme, edhe në atë të 16 shkurtit, rolin e menaxhimit të situatës e luanti Florenc Hoxha. Në jo pak raste, në protestat para 16 shkurtit Hoxha është parë që të tërheqë për mëngësh njerëz që donin përshkallëzimin e protestës për të zbatuar urdhrin e organizatorëve. Sipas policisë, sëfundmi ai mori pjesë në çarjen e kordonit të policisë dhe sulmin ndaj derës së Kryeministrisë.
Pas kësaj ai u arrestua dhe tashmë është në burg dhe duket se demokratët ia kanë kaluar një tjetër personi këtë rol të rëndësishëm në protestë.
Është pikërisht Sahit Dollapi, një ish-zyrtar i lartë gjatë qeverisjes së demokratëve dhe i besuari i Lulzim Bashës. Gjatë ditës së sotme në sytë e gazetarëve ra pozicionimi i Dollapit mes policisë dhe protestuesve sëbashku me një numër jo të vogël djemsh që ishin aty për të mos lejuar që protesta të degjeneronte në përplasje me policinë.
Të gjithë ata që kishin vendosur një rrip të bardhë në krah ishin nën urdhrat e Dollapit dhe ashtu siç kishin vendosur organizatorët, protesta shkoi pa përplasje.
Prandaj, është mëse e qartë se nëse gjatë protestave ndodhin përplasje ato nuk janë asesi spontane, por të lejuara dhe të nxitura nga organizatorët siç ishte 21 janari apo protesta e 16 shkurtit.