10 persona po procedohen në gjendje të lirë pasi akuzohen se kanë falsifikuar testet e COVID-19 për të dalë jashtë vendit në drejtim të vendeve të tjera.
Policia pas dyshimeve për falsifikim të testeve ka kontaktuar klinikat mjekësore që lëshojnë këto teste duke vërtetuar që në fakt ato ishin të falsifikuara.
G. P., L. P., A. D., F. D., S. Th., E. Th., B. A., A. A., M. N. dhe S. Sh., të gjithë banues në Shkodër po procedohen në gjendje të lirë për veprën penale “Falsifikimi i formularëve, i vulave ose i stampave”.
Gjatë verifikimit të dokumenteve plotësuese të këtyre shtetasve është dyshuar për testet që ata kanë paraqitur dhe pasi është komunikuar me klinikat përkatëse, ka rezultuar se këto teste ishin të falsifikuara.