Presidenti amerikan, Joe Biden anuloi fondet e siguruara nga buxheti i mbrojtjes për murin e ndërtuar në kufirin meksikan për të penguar kalimin e emigrantëve dhe një pjesë e fondeve do të përdoren në luftën kundër dëmeve të mjedisit që ka shkaktuar muri.
Një zyrtar nga administrata e Bidenit, në një deklaratë për gazetarët informoi për anulimin e fondeve të siguruara nga buxheti i mbrojtjes për projektet e murit në kufirin me Meksikën ndërtimi i të cilit ka filluar në periudhën e presidentit të mëparshëm Donald Trump.
“Me vendimi të presidentit amerikan, Biden tashmë asnjë fond (vlerë monetare) nuk do të përdoret për ndërtimin e murit kufitar. Departamenti i Mbrojtjes që nga sot do të anulojë të gjitha projektet e murit ku përdoren fonde të drejtuara”, theksoi zyrtari duke bërë të ditur se një pjesë e fondeve në fjalë do të përdoren në parandalimin e dëmeve të mjedisit që ka shkaktuar muri.
Ndërprerja e fondeve federale të siguruara për murin e ndërtuar në kufirin me Meksikën ka qenë një prej dekreteve të presidenti amerikan Joe Biden që nënshkroi kur erdhi në detyrë më 20 janar 2021.