Gazetari i njohur Enkel Demi ka sulmuar sot hapur ambasadorin e BE në Tiranë, Luigi Soreca dhe atë të SHBA-së, Yuri Kim, pikërisht në ditën e “Lirisë së Shtypit”.
Shkrimtari, njëkohësisht dhe bashkëshorti i politikanes Mesila Doda, përmes një postimi në rrjete sociale thotë se dy ambasadorët kanë mbështetur gjithnjë kryeministrin Rama, i cili është sjellë si dhunues me gazetarët dhe shtypin, ndërsa ata kanë heshtur si peshku në ujë.
Ai kërkon që të paktën sot në këtë ditë të shënuar të gazetarëve, të vazhdojnë të heshtin. Postimin e tij e ka shpërndarë në facebook edhe Silva Caka e LSI-së, por duke mos shtuar asgjë mbi shkrimin e gazetarit.
Shënimi i Enkel Demit
Janë mbështetësit e një regjimi dhe një kryeministri që ndaj gazetarëve është sjellë si dhunues, censor, armiqësor, kurse ata kanë heshtur gjithmonë si peshku në ujë.
Të paktën sot, në Ditën Botërore të Lirisë së Medias të vazhdojnë të heshtin, pasi leksioni i vetëm që mund të pranosh prej tyre do të qe në lidhje me bulmetin: “Ja si milet lopa”.