Me anë të një njoftimi zyrtar Policia bën me dije se është kërcënuar me jetë nënkryetari i bashkisë së Krujës, Florin Cerozi. Burime bëjnë me dije se një person e ka kanosur Cerozin për shkak të detyrës që ai mban, ndërkohë që kanë nisur hetimet për rastin.
Policia ka bërë të mundur procedimin penalisht, për veprën “kanosje për shkak të detyrës”, shtetasin M.H, 66-vjeç.
Specialistët për hetimin e Krimeve në Komisariatin e Policisë Krujë proceduan penalisht, për veprën penale “Kanosja për shkak të detyrës”, shtetasin M. H., 66 vjeç, pasi ka kanosur për shkak të detyrës shtetasin F. C., 37 vjeç, me detyrë nënkryetar i bashkisë Krujë.
Materialet i kaluan Prokurorisë së Rrethit Gjyqësor Krujë, për veprime të mëtejshme.