Mediat ndërkombëtare kanë shkruar se një përkthyese kineze dyshohet se është shkaktarja pse çifti Gates ka vendosur të ndahen. Bëhet fjalë për Zhe Wang, 36 vjeçe, përkthyese e cila ka punuar për fondacionin e Bill dhe Melinda Gates.
Pas këtyre zërave, ajo postoi në Weibo, një rrjet social kinez, duke hedhur poshtë thashethemet se ajo kishte pasur një lidhje me Bill Gates.
Ajo i quajti këto zëra si një çmenduri, ndërsa në mbrojtje i dolën edhe miqtë e saj, të cilët u shprehën se as mund ta imagjinonin që Zhe të kishte një lidhje të tillë.
Mësohet se 36-vjeçarja është e pamartuar, ndërsa jeton në Seattle të Shteteve të Bashkuara të Amerikës.
