Gjykata e Korçës ka dhënë sot vendimin për katër autorët, të cilët goditën dy infermierë në Spitalin Rajonal të Korçës.
Mësohet se ndaj autorëve Eduard Çoriga, 43 vjeç; Sokol Meti, 45 vjeç; Taulant Muco, 23 vjeç dhe Ronaldo Xhelillari, 18 vjeç, banues në Korçë është vendosur masa e sigurisë “detyrim paraqitje”.
Rreth një javë më parë këta shtetas kërkuan ndihmë mjekësore në spital për një mikun e tyre, shtetasin me iniciale E. Ç., i cili ndodhej në gjendje të dehur, ku edhe u konfliktuan me dy infermierë, pasi pretenduan se atij nuk po i jepej shërbimi i duhur.
Konflikti degjeneroi më pas në dhunë fizike ndaj dy infermierëve të Spitalit Rajonal të Korçës.