Shtetet e Bashkuara të Amerikës janë dhe vendi më i prekur nga koronavirusi, ku një numër i madh njerëzish kanë humbur jetën.
Ndërkohë, mediat e huaja së fundmi kanë raportuar se qindra trupa që kanë vdekur si pasojë e Covid-19 janë që prej më shumë se një viti në kamionët frigoriferë në New York Port duke pritur të transportohen në Hart Island.
Sakaq edhe pse ka kaluar më shumë se një vit nuk dihet se kur trupat do të zhvendoseshin në Hart Island ose diku tjetër.
Rimorkiot e frigoriferëve u instaluan në muajin prill të vitit të kaluar për të ndihmuar sistemin e varrimit të qytetit. Që nga ajo kohë, trupat e rreth 750 njerëzve kanë pritur për varrimin.
Ndërkohë që familjet e viktimave nuk mund të gjejnë ose nuk kanë mundësi të organizojnë një funeral.