Pas një faze të gjatë testimi beta, Twitter ka zgjeruar mundësinë për të filluar një bisedë të drejtpërdrejtë audio në Spaces për këdo me më shumë se 600 ndjekës.
Përdoruesit me një përcaktim të caktuar do të jenë në gjendje të krijojnë dhomat e tyre, si nga pajisjet Android dhe iOS, si edhe të argëtojnë pjesëmarrësit në po atë mënyrë që ka kontribuar në suksesin e Clubhouse.
Me Spaces mund të krijoni dhoma tematike, në të cilat çdokush mund të marrë pjesë, pavarësisht nga numri i ndjekësve, madje edhe në mënyrë interaktive, duke folur pasi të keni “ngritur dorën” dhe organizatori të ketë kaluar fjalën.
Një tjetër risi e pritshme është e ashtuquajtura “Bileta”, që u jep mundësinë krijuesit të dhomave të vendosë një çmim hyrjeje në dhomën e tyre.
“Twitter” do të mbajë një komision të vogël për çmimin e biletës së vetme, pa ndonjë kosto shtesë për publikun.
Për më tepër, do të jetë e mundur të menaxhohet drejtimi i Spaces së bashku me të tjerët, për të lehtësuar moderimin e tyre dhe Twitter do të prezantojë gjithashtu titra në kohë reale, në mënyrë që bisedat të ndiqen nga çdokush.