Një person është shpallur në kërkim nga policia e Tiranës, pas denoncimit që bëri ndaj tij ish-e dashura që e kallëzon për përndjekje.
Në njoftimin e policisë, bëhet me dije se po punohet për arrestimin e 34-vjeçarit me inicialet E. K.
Mësohet se i padituri ka përndjekur në mënyrë të vazhdueshme një 22-vjeçare, me të cilën kishte pasur një lidhje intime.
Por mesa duket pas ndarjes, i riu nuk ka mundur dot ta heqë nga mendja dhe e ka ndjekur këmba-këmbës, duke e detyruar të renë t’i drejtohet Komisariarit të Policisë.
“Më datë 11.05.2021 u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit në kërkim E. K., 34 vjeç, sepse në mënyrë të vazhdueshme ka përndjekur ish të dashurën e tij 22-vjeçare”, thuhet në njoftimin e Policisë.