Qeveria shqiptare ka vendosur të shtojë një fond prej 100 milionë lekësh në programin “Zhvillimi i turizmit”.
Sipas vendimit me anë të këtij fondi do të realizohet për prezantimin e Shqipërisë si një destinacion mikpritës covid-free. Ky vendim i Këshillit të Ministrave erdhi me propozim të Ministrisë së Turizmit.
Ky vendim i qeverisë vjen në prag të sezonit turistik dhe qeveria ka deklaruar më herët se vera do të jetë pa masa kufizuese, ndërkohë që procesi i vaksinimit po vijon me ritme të shpejta.
