Ribashkimi i shumëpritur i Friends, më në fund, ka një datë publikimi. Pas një vonese të gjatë të shkaktuar nga pandemia e koronavirusit, është publikuar edhe traileri.
Friends: Reunion do të jetë në dispozicion në HBO Max nga data 27 maj, ndërsa kasti ka filluar xhirimet së bashku muajin e kaluar.
Friends ishte një nga sitcom-et më të mëdha të viteve ‘90 dhe përfundoi në vitin 2004. Shfaqja me 10 seri pritet prej një kohe të gjatë nga fansat dhe u bë e mundur falë shërbimeve të transmetimit si Netflix.
Të gjashtë anëtarët e kastit origjinal – Matthew Perry (Chandler), Jennifer Aniston (Rachel), Courteney Cox (Monica), Lisa Kudrow (Phoebe), Matt LeBlanc (Joey) dhe David Schwimmer (Ross) – do të marrin pjesë.
Ata do të shfaqen së bashku me yjet e tjerë joprotagonistë, duke përfshirë Maggie Wheeler (Janice), James Michael Tyler (Gunther), Reese Witherspoon (Jill) dhe Tom Selleck (Richard), si dhe Elliott Gould dhe Christina Pickles, të cilët luajnë prindërit e Ross dhe Monica-s, Jack dhe Judy.
Të ftuar të famshëm, përfshirë David Beckham, Lady Gaga, BTS, Cara Delevingne, Mindy Kaling, James Corden, Malala Yousafzai dhe Justin Bieber, pritet të shfaqen gjithashtu.
Një teaser i ribashkimit, i publikuar dje, tregon 6 aktorët që ecin së bashku me një version melodik të kolonës zanore të Friends, “I’ll Be There For You” nga The Rembrandts.