Precipiton keq situata mes Palestinës dhe Izraelit, ku prej ditësh është ndezur një luftë dhe si pasojë kanë mbetur shumë viktima dhe të plagosur. Orët e fundit raportohet se Izraeli ka sulmuar me raketa godinën ku ndodheshin disa media të rëndësishme, përfshirë edhe Al Jazeera në Gaza.
Derimë tani nuk dihet ende nëse ka persona të lënduar, ndërkohë që 3 orë më parë Izraeli kishte paralajmëruar se do të bombardonte, duke lënë mundësi evakuuimi për personat që ndodheshin në godinë, përfshirë gazetarë dhe punonjës të mediave.
Siç shihet dhe në videon e mëposhtme, e cila po bën xhiron e rrjeteve sociale, godina disakatëshe shëmbet e gjitha si pasojë e raketës, ndërkohë që pritet një bilanc nëse ka apo jo persona të lënduar.
Në orët e para të së shtunës, një sulm ajror izraelit goditi një shtëpi trekatëshe në kampin e refugjatëve Shati të qytetit Gaza, duke vrarë tetë fëmijë dhe dy gra.