Zv.Prefekti i Matit Hasan Pasha u shpreh sot se kupën e Grupit A në Kategorinë e Parë e meritonte skuadra e Burrelit. Në një postim të tij thuhet se: “FSHF me sa duket e kishte premtuar më herët këtë kupë. Gjyqtarë që nuk e meritojnë këtë emërtim e dëmtuan ëndërrën dhe investimin e matjanëve.”
Pasha shtoi se matjanët do të luajnë edhe dy ndeshje për të arritur objektin e tyre për Superiore dhe “lutet” që gjyqtarët të jenë korrekt.
Postimi i zv.Prefektit të Matit:
Kupa e FSHF-së…!
Këtë kupë dje e meritonte Burreli, por ishin padrejtësitë e FSHF-së që e penguan një gjë të tillë.
Bashkia Mat, kryebashkiaku Agron Malaj disa muaj para fillimit të sezonit 2020-2021 investuan si kurrë ndonjëherë në burime njerëzore (lojtarë dhe staf teknik) si dhe terrene sportive, me objektivin e qartë për ta ngjitur skudrën matjane në Kategorinë Superiore.
Fatkeqësisht nuk ndodhi kështu. FSHF me sa duket e kishte premtuar më herët këtë kupë. Gjyqtarë që nuk e meritojnë këtë emërtim e dëmtuan ëndërrën dhe investimin e matjanëve.
Ashtu siç shprehet Malaj ëndërra vazhdon. Dhëntë Zoti dhe do të kemi gjykime korrekte dhe në Superiore do të ngjitet skuadra që e meriton.
Suksese Burreli, skudra që i dha tonin Kategorisë së Parë…!
