Ish-deputeti demokrat, Fatos Hoxha, e ka cilësuar të “paburrë” ish kryeministrin Sali Berisha i cili fshihet pas mandatit të deputetit, Lulit dhe PD. Përmes një postimi në rrjete sociale, Fatos Hoxha shpreh bindjen e plotë se ajo që ka DASH për Berishën është shumëfish i asaj që mund të ketë për Doshin.
“Sali Berisha dje nuk ishte në Malin me Gropa, por “bomba” nga Amerika e zuri atje ku ishte.
Dëme kolaterale nuk pati, përveç rrezikut që PD të gjymtohet…. por kjo është çështje e Lulit, që gjithmonë i kupton gjërat vetëm pas vdekjes.
Dje pati komente se pas deklaratës së DASH, Berisha është bërë si Doshi.
Të dy formojnë një binom se i lidh i njëjti hall.
Unë nuk e shoh kështu dhe nuk pajtohem me barazimin.
Unë jam i sigurtë se ajo që ka DASH për Berishën është shumëfish i asaj që mund të ketë për Doshin.
Ky është dallim i madh!
Së dyti, reagimi i Doshit ndaj “gjëmës” ishte burrëror. Doshi dorëzoi mandatin dhe tha që hallin do ta sqaronte si person privat.
Berisha po fshihet pas mandatit, pas Lulit, (turp i madh) dhe pas PD”, shkruan Fatos Hoxha.