Edith Harxhi, një nga figurat më të hershme në PD ka shpallur kandidaturën për të marrë ‘në dorë’ partinë në një kohë që demokratët janë më të përçarë se kurrë.
Harxhi tha në Top Talk se është momenti që partia të bashkohet dhe t’i kthehet parimeve dhe ideologjisë me të cilat u ngrit.
E pyetur në Top talk se a do e pranojë ajo mbështetjen e Berishës, në një kohë që ai mori një goditje të fortë nga amerikanët, ajo tha se pa dyshim se PO.
“Po, jam e sigurt që do më mbështesë, se jam më e vjetër, jam e sigurt që do ai do ta bashkojë partinë dhe jo ta përçajë. Nuk kam fol me të por ai do bashkimin e partisë”, tha ajo.
“Zoti Berisha ka një përballje personale ne gjykatë për të mbrojtur siç tha ai dinjitetin e tij dhe me këtë dua tu them se kjo është zgjidhja e tij, ai tha që mbetet pro amerikan i fortë.
PD është një fryt, i SHBA, megjithë mbështetjen që ka marrë në fillimet e saj në vitet 90 , ashtu siç është dhe Berisha me përkrahjen që mori atëherë nga Bush.
Nuk besoj fare që këtu ka një ndarje dhe nuk ka një zgjedhje , për vetë faktin se SHBA mbeten aleat parësor dhe strategjik i PD”, tha ajo më tej.
E pyetur nëse do të ketë një kosto mbështetja për Berishën në këtë moment përplasje me Amerikën ajo tha se:
Nuk e besoj që amerikanët i bëjnë gjërat për të pasur një kosto, e dyta jam e sigurt që Berisha do të dijë t’i zgjidhë në mënyrën më të mirë të mundshme këtë betejë që nisi. Mendoj që PD s’ka pse të shqetësohet për qëndrimin e saj , qasjes pro amerikane, sdo pengojë asnjë , Berisha mbetet një nga ithtarët kryesore për lëvizjen për demokracinë në vend.
Nuk paragjykoj askënd. pozicioni i kryetarit të PD është sfida ime tani dhe kryetari i PD përsa i përket politikës së jashtme ka dhe do mbesë si aleat strategjik i SHBA, për këtë s’kam asnjë dilemë.
A është PD në prag të përçarjes së thellë?
Është e përçarë, nuk flas për shpërbërje, bazat i ka solide. Ka anëtar të fortë unë dua bashkim, hapja e partisë, një kthim ideologjik mbi bazat e 90.
A e ka humbur Basha mbështetjen e Berishës?
Basha duhet të jepte dorëheqjen e me kohë, me intervistën e Berishë mbrëmë u pa kjo. Unë them se dikush nuk mund të bëhet kryeministër nëse s’ka qenë kurrë atje.