Biznesmeni Gjergj Luca ofron njëmijë vende punë në Elbasan, kryesisht për vajza dhe gra. Lajmin e ka bërë të ditur ai vetë gjatë një bisedë në emisionin “Provokacija” me gazetarin Mustafa Nano, të cilit i ka shprehur një nga shqetësimet më të mëdha me të cilat përballet biznesi sot. Luca është shprehur se ka shkuar fshat më fshat në Elbasan duke kërkuar punëtorë dhe ka patur zona ku janë tallur me të.
“Kam shkuar në fshatrat më të varfër të Elbasanit dhe kam kërkuar punëtorë. Më thanë se në Cerrik, në lagjen Kantier kishte shumë asistenca sociale. Shkova kërkova punëtorë dhe ata u tallen me mua”, tha Luca duke vijuar: Pastaj kam parë shtëpi të rregulluara mirë dhe kur i kam thënë dua punëtorë me kanë ardhur direkt.
Gjergj Luca është biznesmeni që në Labinot të Elbasanit ka ndërtuar një fabrikë peshku në të cilën ka ndihmuar zonën duke hapur 1500 vende pune. Por kjo fabrikë nuk është si gjithë të tjerat, pasi, kushdo që ka shkuar aty dhe e ka vizituar kupton se Luca aty ka ndërtuar “Qytetin e Peshkut”. Një ndërmarrje që jo vetëm ka siguruar të ardhura dhe punësim për familjet e zonës por edhe i ka dhënë jetë këtij qyteti dhe shpresë të rinjve.