Nesër në orën 18:00 Kryesia e Partisë Demokratike do të mblidhet për të miratuar kandidaturat për kryetar partie dhe rregullat e propozuara nga Komisioni Zgjedhor për zgjedhjet e 13 qershorit.
Njoftimin e bën Sekretari i Përgjithshëm i PD-së, Gazment Bardhi, i cili fton anëatrët e Kryesisë të jenë të pranishëm në mbledhje.
Kujtojmë se përballë kryetarit Lulzim Basha pritet të jenë Agron shehaj, Fatbardh Kadilli, Edith Harxhi dhe Ibsen Elezi.
Njoftimi i PD:
Të nderuar anëtarë të Kryesisë,
Mbledhja e Kryesisë të dielën, më date 23 Maj, do të zhvillohet në orën 18:00.
Rendi i ditës:
Miratimi i kandidaturave për Kryetar.
Miratimi i rregullave të propozuara nga Komisioni Zgjedhor për procesin zgjedhor.
Lutem të sigurohet pjesëmarrja në mbledhje!
Me respekt,
Sekretari i Përgjithshëm
Gazment Bardhi