Komisioni hetimor për shkeljet e presidentit Meta ka vendosur të mos e thërrasë më kreun e shtetit për seancë dëgjimore në Komision por të vijojë me punën e tij.
“Ky komision është treguar i kujdesshëm të zbatojë me përpikmëri cdo procedurë dhe prandaj ka qenë kjo kërkesë, që është bazuar në dy momente juridike të ndryshme. Momenti i parë është e drejta që ka personi në hetim, në rastin konkret presidenti për të dhënë qëndrimin e tij. Dhe detyrimi që ka ai dhe ky komision për ta thirrur dhe dëgjuar gjatë hetimit. Ne hetimin e kemi patur plot, kemi administruar shkresa, prova filmike, qëndrime zyrtare, që për ne nuk përbën ndonjë risi ardhja apo mosardhja. Ajo ndoshta do të ishte më e vlefshme së pari për të zbatuar detyrimin kushtetues, së dyti për të zbatuar rregullonre e Kuvendi, për të zbatuar ligjin e komisioneve hetimor, parimin e transparencës dhe do të dëshiroja me gjithë zemër të mos ishim fare në këtë komision, nuk është ndonjë kënaqësi e madhe. Do të hedh në votim propozimin e parë, për të mbyllur hetimin dhe të mos vazhdojmë më me procedurën për thirrjen e presidentit”, tha Hyseni.
Më pas komisioni vijoi punën për administrimin e provave.