Ministrja e Shëndetësisë Ogerta Manastirliu bëri të ditur se sot do të vijnë dhe 14 mijë doza Pfizer ndërkohë që deri në fund të muajit do të jenë të përfshirë dhe 40 mijë doza të tjera AstraZeneca nga sistemi Covax.
“Aktualisht janë duke u kryer dozat e dyta me vaksinat anti Covid Coronavax dhe Sinovak, Me ardhjen e dozave të AstraZenecas do të nisë faza e dytë e vaksinimit për të gjithë mësuesit ndërsa dozat e dyta të Sputnik duhet të shpërndahen me shumë kujdes dhe sipas afatit të përcaktuar.
Gjithashtu sa i përket dhe vaksinës Pfizer është përcaktuar dhe qendrat ku do të përdoret. Ndërkohë është e rëndësishme që të ndiqen të gjithë protokollet për të ndjekur ecurinë e vaksinimit.
Sot në darkë do të vijnë 14 040 dozat e tjera nga Pfizer, deri në fund të muajit do të kemi doza të tjera duke përfshirë 40 mijë doza Astrazeneca, nga sistemi Covax –AstraZeneca dhe presim dhe ardhjen e furnizimit ttjetër me Sinovax në kuadër të marrëveshjes së fazës së dytë”, ka thënë ministrja.
Ajo i bëri këto deklarata gjatë vizitës së një qendre të vaksinimit masiv në Fier.