Voltana Ademi, e vetmja kryebashkiake demokrate në vend pas bojkotit që opozita i bëri zgjedhjeve lokale, i ka dërguar një letër ambasadores së SHBA-ve në Tiranë në emër të Shoqatës së Bashkive të Shqipërisë.
Ajo shpreh shqetësimin se ka tentativë nga PS për të kapur shoqatën.
“Më 21 maj, 2021 pasdite, SHBSH mori një email dërguar nga Z. Pjerin Ndreu, drejtuar 14 bashkive të tjera, të cilat aktualisht janë anëtare të SHAV, me qëllimin që të organizojnë në mënyrë të paligjshme mbledhjen e Asamblesë së Përgjithshme të SHBSH dhe për të zëvendësuar në mënyrë të paligjshme organet drejtuese te SHBSH.
Ky veprim është në kundërshtim me statutin e SHBSH, pasi bashkitë kërkuese nuk janë anëtare të SHBSH. Ne kemi dyshime serioze se ky takim online, ilegal, përmes platformës Zoom ka për qëllim të kapë kontrollin e përfaqësimit ligjor të SHBSH”, thuhet në shkresë.